BILANG suporta sa Bureau of Customs (BOC) sa mandato nitong protektahan ang hangganan, kalakalan at revenue collection, nagbigay ng 25,000 pirasong face masks ang Philippine Red Cross (PRC) sa pangunguna ni Chairman and CEO Sen. Richard Gordon sa nasabing ahensiya ng pamahalaan.
Ang face masks ay tinanggap ni BOC Commissioner Rey Leonardo Guerrero kasama sina Public Information and Assistance Division Chief Bienvenido Datuin, Jr. at General Services Division Chief Raquel De Jesus.
Ang donasyon ng face masks ay nag-ugat dahil sa patuloy na pagkalat ng Coronavirus Disease-2019 (COVID-19) sa buong mundo.
Bukod sa face masks, nagbigay din ng gowns, gloves at iba pang protective gear ang PRC sa tanggapan ng gobyerno na nasa unahan ang kanilang mga trabaho.
Ayon kay Sen. Gordon, ang kanilang donasyon ng 25,000 piraso ng face masks ay kalinya sa pahayag na ang goverment front-liners na pangunahing bigyan prayoridad ng face masks at protective gear dahil sila ang mabilis na posibleng mahawaan ng taong nagtataglay ng Coronavirus.
“We have to provide our front-liners with face masks and other protective gear. Our doctors, nurses, and other hospital personnel come in close contact with people infected with the novel coronavirus and patients under investigation. Likewise, the personnel of agencies like the Bureau of Immigration, Bureau of Customs, airports and seaports and the Department of Foreign Affairs (DFA) also interact daily with inbound travellers, some of whom may be carriers of the disease. We should protect our front-liners and help prevent local transmission of COVID-19,” paliwanag ng senador.
Lubos naman ang pagpapasalamat ni Guerrero sa donasyon at sa malasakit nito sa BOC personnel at inihayag na malaking tulong ang face masks upang maging ligtas sa pagtupad sa kanilang tungkulin.
“We did not expect to be included in the list of agencies that will be given face masks. But we are very, very grateful. We give our whole-hearted thanks to the noble cause of PRC and of course, to Sen. Gordon,” giit pa ni Guerrero.
JOEL AMONGO
